【新聞照片】《東方日報》2014-04-25 張頴康扮單身 引嘉琪落疊

張頴康扮單身 引嘉琪落疊
2014-04-25
無綫女藝員梁嘉琪在新劇中飾演「惡面善良底」的「變臉港女」，多變演出獲外間大讚，劇中她癡戀夢中情人張頴康，阿康笑言為了投入演出，拍攝期間刻意不提起太太，以免嘉琪「呷醋」。
無綫藝員梁嘉琪及張頴康相識多年，在劇集《愛我請留言》中還是首度飾演情侶，劇中阿康飾演嘉琪的夢中情人，他們笑言現實中兩人感情猶如兄弟，因此演 情侶既有默契亦有難度，怕會忍不到笑，阿康笑說：「埋位前唔敢玩咁癲，驚冇咗情侶嘅感覺，所以嗰排我都冇提起自己老婆（主持麥雅緻），費事佢覺得鍾意咗個 有婦之夫。」
嘉琪表示與阿康以往已經常談論演技，因此今次演得分外安心，她說：「我哋好信任對方，就算好close都唔尷尬，劇中有好多浪漫場 口，幕後睇番都話好sweet！不過佢有咁大個老婆喺度，一定唔會過電。」原來嘉琪是第一個得悉麥雅緻有喜的友人，可見他們果然勁老友！阿康說：「佢偷睇 到我睇大肚婆食譜，但嗰陣未夠三個月唔講得，我講笑話要殺佢滅口。」